Müəllif:Ayşən İmanova/Banco.az
İtaliya hökuməti nəhayət, iki il davam edən İtalyan Rəqəmsal Köçəri Vizasının alınması qaydaları haqqında fərman qəbul edib. Bu cür proqram 50-dən çox ölkədə mövcuddur, onlardan 18-i Avropa yerləşir.
Banco.az xəbər verir ki, çoxdan gözlənilən fərman daxili işlər, əmək, turizm və xarici işlər nazirlikləri tərəfindən imzalanıb və uzaqdan işləyən Aİ-yə daxil olmayan vətəndaşlar üçün giriş və qalma tələbləri müəyyən edilib.
İtaliyanın yeni rəqəmsal köçəri vizasından yararlanmaq üçün uzaqdan çalışan işçilərin illik gəliri sağlamlıq xərclərinin bölüşdürülməsindən azad olmaq üçün tələb olunan minimum səviyyədən ən azı üç dəfə çox olmalıdır. Bu, ildə 28 min avro və ya 30 min dollardan bir qədər azdır.
İtaliya həmçinin ərizəçilərdən qaldıqları müddət üçün tibbi sığorta, uyğun mənzil və ən azı altı ay başqa yerdə rəqəmsal köçəri və ya uzaq işçi olduqlarına dair sübut tələb edir.
Qeyd edək ki, viza bir il müddətinə etibarlıdır. Ailə üzvləri ərizəyə əlavə oluna bilər, lakin son təsdiq hökumətin ixtiyarındadır. Ərizəçilər yaşadıqları ölkədə İtaliya konsulluğuna baş çəkməli və prosesin bir hissəsi kimi işəgötürənləri tərəfindən imzalanmış bəyannamə təqdim etməlidirlər. Son beş il ərzində cinayət törətməkdə təqsirli bilinən ərizəçilər avtomatik olaraq rədd ediləcəyi bildirilib.
Bizi sosial şəbəkələrdən izləyin!!
