İstanbul Fond Birjası öz kriptovalyutası - "BİSTcoin" üzərində çalışdığını bildirib.
"Haberler" saytına istinadən xəbər verilir ki, bu açıqlamanı qurumun rəhbəri Himmət Qaradağ verib.
Kriptovalyutaların "Borsa İstanbul"da istifadə edilib-edilməyəcəyi barədə jurnalistlərin sualını cavablandıran H.Qaradağ bildirib ki, ola bilər. Lakin bu, hazırda mövcud olan kriptovalyutalar deyil: "Hazırkı kriptovalyutaların əsaslandığı aktivlər yoxdur və onlar manipulyasiyaya açıqdır".
"Borsa İstanbul" öz kriptovalyutası üzərində çalışmalar aparır. Bu kriptovalyutada blokçeyn sistemindən istifadə ediləcək və arxasında "Borsa İstanbul" dayanacaq", - birja rəhbəri əlavə edib.
Mənbə: Report.az
