Bu gündən etibarən İran hökuməti koronavirusla əlaqədar tətbiq edilən sərt karantin rejimini yumşaltmağa başlayıb.
“Associated Press”in məlumatına görə, artıq beynəlxalq magistral yollar, həmçinin ticarət mərkəzləri və mağazalar açılıb.
Obyektlər yerli vaxtla saat 18:00-dək fəaliyyət göstərə biləcək.
Bununla belə, restoran, idman zalı və digər ictimai müəssisələrin fəaliyyəti hələlik bərpa edilməyib.
Ramazan ayının gəlməsinə baxmayaraq, məscid və digər dini obyektlər də bağlı olaraq qalır.
Xatırladaq ki, rəsmi məlumata görə, İranda indiyədək koronavirusa yoluxanların sayı 83,5 mini ötüb. Bunlardan 59 273 nəfər virusdan sağalsa da, 5 209 nəfər ölüb.
Report
Bizi sosial şəbəkələrdən izləyin!!
