Müəllif:Mehin Qasımova/Banco.az
İran zənginləşdirilmiş uran ehtiyatlarını 60%-ə qədər azaldıb.
Banco.az xəbər verir ki, bu barədə Bloomberg-in hesabatda deyilir.
Belə ki, son üç ay ərzində İran zənginləşdirilmiş uran ehtiyatlarını demək olar ki, silah səviyyəsinə qədər azaldıb.
Agentlik aydınlaşdırır ki, bu addım Yaxın Şərqdə münaqişənin kəskinləşməsi ilə bağlı bəzi narahatlıqları azalda bilər. BMT müfəttişləri bildiriblər ki, İranda yüksək zənginləşdirilmiş uranın səviyyəsi noyabr ayından bəri 5% azalıb. MAQATE-nin hesabatında deyilir ki, ehtiyatları azaltmaq üçün İran “60%-ə qədər zənginləşdirilmiş 31,8 kq uranı aşağı konsentrasiyalı materialla qarışdırıb”. Beləliklə, 60%-ə qədər zənginləşdirilmiş uranın həcmi 128,3 kq-dan 121,5 kq-a qədər azalıb.
İran yeganə ölkədir ki, nüvə silahı istehsal etmədən uranı bu qədər yüksək səviyyədə zənginləşdirib.
2015-ci ildə Çin, Rusiya, Böyük Britaniya, Fransa, ABŞ və Almaniya İranın nüvə proqramı ilə bağlı böhranı həll etmək məqsədi ilə İranla Birgə Hərtərəfli Fəaliyyət Planı (JCPOA) imzalayıb. 2018-ci ildə ABŞ-ın proqramdan çıxmasından sonra Tehran saziş üzrə bəzi öhdəliklərindən imtina edib.
Bizi sosial şəbəkələrdən izləyin!!
