“İpək Yolu Sığorta” ASC bu ilin I yarısını 1 milyon 143 min manat mənfəətlə başa vurub.
Şirkətin maliyyə hesabatına görə, bu, ötən ilin eyni dövrü ilə müqayisədə 19,45% azdır.
6 ay ərzində “İpək Yolu Sığorta”nın gəlirləri 14 milyon 535 min manat, xərcləri isə 13 milyon 392 min manat təşkil edib. Şirkət mənfəət vergisi ödəməyib.
Bu il iyulun 1-nə “İpək Yolu Sığorta”nın aktivləri 39 milyon 2 min manat olub ki, bu da illik müqayisədə 24,5% çoxdur. Son 1 ildə şirkətin öhdəlikləri 64,5% artaraq 15 milyon 615 min manata, balans kapitalı isə 7,1% artaraq 23 milyon 387 min manata çatıb.
Renkinq.az
