InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR
Keçən həftə FED-in faiz qərarını artırmaması avronun dollara nisbətən qiymətinin daha da bahalaşmasına səbəb olmuşdur. Artıq önəmli səviyyələrə kimi bahalaşan EUR/USD məzənnəsi cari həftənin çərşənbə axşamı ABŞ-da baş tutacaq prezident seçkiləri fonunda hərəkətsizdir və 1.1140$ ətrafında ticarət edilir. Növbəti istiqamətin müəyyənləşdirilməsi üçün prezident seçkilərinin nəticələrini gözləmək önəmlidir.
GBP
GBP/USD cütlüyünün məzənnəsi keçən həftə Böyük Britaniya Mərkəzi Bankının mətbuat konfransından sonra sürətlə bahalaşmağa başlayıb. InvestAZ analitiklərinin təhlilləri onu göstərir ki, artıq 1.2556$-a kimi dəyər qazanan funt sterlinqin qiyməti əlavə olaraq 1.2599 və 1.2653$-a kimi də bahalaşa bilər.
TRY
Dolların Türk lirəsinə nisbətən qiyməti tarixi rekord səviyyəsini yenidən 3.1737TL ilə yeniləyib. InvestAZ analitiklərinin fikrincə, qiymət gələn həftə ərzində 3.1787TL və 3.2182TL-ə kimi də dəyər qazana bilər.
OIL
Dünya əmtəə bazarlarında neft təklifinin yenidən qismən artması enerji bazarlarında qiymətlərə təzyiq olmağa başlayıb. Lakin qiymətlərin 45$-a kimi ucuzlaşması müvəqqəti qiymətləndirilir və tələbatın artması ilə gələcək həftələr ərzində 52$-a kimi bahalaşa biləcəyi proqnozlaşdırılır.
GOLD
Dünya qiymətli metallar birjalarında qızılın qiyməti bahalaşmaqda davam edir. 1308$-dək (41.9$/qram) bahalaşan qızılın bir unsiya üzrə qiyməti 1314$-a (42.1$/qram) kimi də bahalaşa biləcəyi gözlənilir.
“İnvest-AZ İnvestisiya Şirkəti” QSC Azərbaycan Respublikasının İqtisadiyyat və Sənaye Nazirliyinin 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
Mənbə: Apa.az
