“İnternational Bank Olmayan Kredit Təşkilatı” 2016-cı ilin sonuna olan maliyyə göstəricilərini açıqlayıb. Təşkilatın cəmi aktivləri bir il ərzində 115% artaraq, 3 mln 318 min manatdan 7 mln 139 min manata yüksəlib. Bu haqda Banco.az portalı təşkilatın audit hesabatına istinadən məlumat verir.

2015-ci ilin sonu ilə müqayisədə təşkilatın kredit portfeli 2 dəfə artaraq, 6 mln 754 min manata çatıb.

Audit hesabatının nəticələri ilə daha ətraflı növbəti linkdə tanış ola bilərsiniz. Hesabat "Kermur Audit" şirkəti tərəfindən tərtib olunub. 

“İnternational Bank Olmayan Kredit Təşkilatı” məhdud məsuliyyətli Cəmiyyəti 21.05.2013-cü il tarixində BKT–12 saylı lisenziyaların mərkəzi reyestrinə daxil edilmişdir. Həmin tarixdən etibarən, şirkət verilmiş lisenziya əsasında, təminatlı və təminatsız kreditlərin verilməsi, habelə “Bank olmayan kredit təşkilatları haqqında” Azərbaycan Respublikasının Qanununda nəzərdə tutulmuş digər fəaliyyət növləri ilə qanunvericiliyə uyğun qaydada məşğul olur.

Təşkilatın əsas məqsədi, fəaliyyətini genişləndirərək, müştərilərin istəklərinə uyğun xidmət göstərməkdir.