Müəllif:Mehin Qasımova,Banco.az
Dünyanın aparıcı kompüter komponentləri istehsalçılarından biri olan "American Intel Corp" yeni iş yerlərinin ixtisarını planlaşdırır.
Banco.az xəbər verir ki, bu barədə CNBC məlumat verib.
Şirkət yeni ixtisarların məlumat mərkəzi bölməsinə təsir edəcəyi açıqlayıb.
"Şirkəti daha diqqətli və səmərəli etmək strategiyamıza uyğun olaraq, məlumat mərkəzi bölməsi təşkilati strukturunu biznes məqsədləri ilə uyğunlaşdıracaq. İxtisarlardan təsirlənən bütün işçilərə hörmətlə yanaşacaq və bu keçid dövründə onları dəstəkləmək üçün resurslarla təmin edəcəyik", - deyə o bildirib.
Şirkət əvvəllər süni intellekt və qabaqcıl çip istehsalında rəqabət qabiliyyətini bərpa etmək üçün əməliyyatları sadələşdirməyə çalışdığını bildirib.
"Intel" 23 iyulda ABŞ bazarlarının bağlanmasından sonra 2026-cı ilin ikinci rübü üzrə mənfəət hesabatını təqdim edəcək.
Qeyd edək ki, 2026-cı ilin əvvəlindən bəri Intel-in bazar kapitallaşması 2,6 dəfə artıb.
