Müəllif: Tamara Mustafayeva, Banco.az
“Shell” üçüncü rübdə 6,2 milyard dollar mənfəət əldə edib.
Banco.az xəbər verir ki, Britaniyanın enerji nəhəngi “Shell”in üçüncü rüb üzrə açıqladığı maliyyə nəticələrinə görə, şirkətin mənfəəti bu rübdə əvvəlki rüblə müqayisədə 22,7 faiz artıb.
İlin 2-ci rübündə 5,07 milyard dollar olan mənfəət 3-cü rübdə 6,22 milyard dollara yüksəlib. Bu artımda yüksək neft qiymətləri və emal marjaları rol oynayıb.
Digər tərəfdən, şirkətin üçüncü rüb üzrə mənfəəti ötən ilin eyni dövründəki 9,45 milyard dollarla müqayisədə 34,2 faiz azalıb.
“Shell” həmçinin növbəti üç ay ərzində 3,5 milyard dollar dəyərində səhmləri geri alacağını da açıqlayıb.
Bizi sosial şəbəkələrdən izləyin!!
