Azərbaycanda dövlət maliyyələşdirməsi dayanıqlı olaraq qalır, çünki neftin orta qiyməti 1 barel üçün 64 ABŞ dolları təşkil edir, bu da son on ilin tarixi diapazonuna uyğundur.
Bu barədə Niderlandın ən böyük bank qruplarından biri olan ING Groupun hesabatında qeyd edilib.
Hesabata görə, “Brent” markalı neftin Azərbaycan üçün fiskal itkisizliklə bağlı qiyməti bu il 66 ABŞ dolları, 2026-cı ildə isə 68 ABŞ dolları səviyyəsində proqnozlaşdırılır.
Azərbaycanın konsolidə edilmiş büdcə profisiti 2024-cü ildə ÜDM-in 4 %-nə bərabər olub, 2025-ci ildə 1,7 %-ə, 2026-cı ildə isə 0,4 %-ə enəcəyi proqnozlaşdırılır.
ING-nin ekspertləri bildirirlər ki, “Brent” markalı neftin qiymətindəki hər 1 ABŞ dolları/barel dəyişiklik, illik yanacaq gəlirlərinə təsir etsə də, 183 milyon ABŞ dolları diapazonunda qalır.
“Bu, Azərbaycan hökumətinin neft hasilatının azalmasına baxmayaraq, fiskal dayanıqlığını qoruduğunu göstərir. Hökumət sosial sahədə dəstək, hərbi xərclər və investisiyalar üçün artan tələbatı qarşılayacaq kifayət qədər maliyyə imkanına malikdir. Bununla belə, bu tendensiya 2026-cı ilə qədər konsolidə edilmiş büdcə profisitinin sıfıra doğru azalmasına gətirib çıxara bilər. Lakin bu, ümumi iqtisadi artımı, xüsusilə də qeyri-neft sektorlarında inkişafı dəstəkləməlidir”, - deyə hesabatda vurğulanır.
Report
Bizi sosial şəbəkələrdən izləyin!!
