Müəllif: Tamara Mustafayeva, Banco.az
"X" platformasının söhbət robotu "Grok" aktivləşdirilib.
Banco.az xəbər verir ki, İlon Maskın süni intellekt startapı “xAI” tərəfindən hazırlanmış “ChatGPT”nin rəqibi “Chatbot Grok” əvvəllər “Twitter” kimi tanınan “X” platformasının “Premium Plus” abunəçiləri üçün artıq əlçatandır.
Qeyd edək ki, “Premium Plus” istifadəçilərin “ X” sosial media platformasına reklamsız giriş üçün ayda 16 dollar ödədiyi abunə paketidir.
Digər çatbotlardan fərqli olaraq “Grok” platformadakı yazılardan real vaxt məlumatlarını öz cavablarına daxil etməklə suallara nəzəri olaraq ən müasir məlumatlarla cavab verməyə imkan verir.
“Grok” “ChatGPT” və “Google Bard”ı dəstəkləyən AI modellərini öyrətmək üçün istifadə olunana bənzər məlumat bazasından istifadə edərək suallara danışıq yolu ilə cavab verir. “Grok” həm internetdən alınan məlumatlar, həm də insan köməkçilərinin rəyləri əsasında hazırlanan “Grok-1” adlı generativ modellə təchiz edilmişdir.
Bizi sosial şəbəkələrdən izləyin!!
