IFC: "Azərbaycan Beynəlxalq Bankının özəlləşdirilməsində iştirak etmirik" | Banco.az

IFC: "Azərbaycan Beynəlxalq Bankının özəlləşdirilməsində iştirak etmirik"

Beynəlxalq Maliyyə Korporasiyası (IFC) "Azərbaycan Beynəlxalq Bankı" ASC-nin özəlləşdirilməsi prosesində iştirak etmir. 

Bunu açıqlamasında IFC Avropa və Mərkəzi Asiya üzrə direktoru Vibki Şlomer (Wiebke Schloemer) deyib.

V.Şlomerin sözlərinə görə, təmsil etdiyi qurum Azərbaycanda özəl sektorun inkişafına dəstək verməyə davam edəcək: “IFC özəl sektorun gücünü səfərbər etməklə Azərbaycan iqtisadiyyatının şaxələndirilməsinə və davamlı inkişafına göstərdiyi dəstəyə sadiqdir. Bizim ABB-nin özəlləşdirilməsi ilə bağlı hər hansı bir detallar barədə məlumat vermək səlahiyyətimiz yoxdur, çünki, bu məsələdə, biz, müzakirə tərəfləri deyilik”.

Ən sərfəli kredit üçün müraciət et

Xatırladaq ki, IFC-nin belə özəlləşmələrdə iştirakla bağlı beynəlxalq təcrübəsi var və qurumun əldə etdiyi pay təxminən 10% civarında olur.

Qeyd edək ki, ABB 1992-ci ildə yaradılıb və ölkənin ən iri bankıdır. Bankın əsas səhmdarı Azərbaycan Maliyyə Nazirliyidir.

Azərbaycan Beynəlxalq Bankı 2015-ci ilin iyul ayından sağlamlaşdırma mərhələsindədir.

Report.az

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç