Banco.az-a daxil olan məlumata əsasən, İlk Avropa Oyunlarının keçirilməsi ilə əlaqədar  mayın 1-dən iyulun 1-nə kimi İcbari Sığorta Bürosu xüsusi iş rejiminə keçəcək. Adi iş günlərindən fərqli olaraq işçilər işə daha tez başlayıb, iş gününü daha tez yekunlaşdıracaqlar. İşçilərin 50%-i üçün iş vaxtı saat 8:00-dan başlayıb, saat 17:00-da, digər  50 %-i üçün isə 08:30-dan başlayıb 17:30-da bitəcək. 

Xatırladaq ki, bir müddət əvvəl Nazirlər Kabineti  Respublikamızda keçirilən Birinci Avropa Oyunlarına görə nəqliyyatda sıxlığın qarşısını almaq məqsədilə dövlət və qeyri-dövlət qurumlarında iş rejimini dəyişmək barədə qərar verib. Birinci Avropa Oyunları bitdikdən sonra müəssisələr adi iş rejiminə qayıdacaq.