Müəllif:Mehin Qasımova,Banco.az
Hindistan 2025-ci ilin sentyabrında 9,615 milyard dollar dəyərində qızıl idxal edib.
Banco.az xəbər verir ki, bu barədə ölkənin Ticarət və Sənaye Nazirliyi məlumat yayıb.
Bu, 2024-cü ilin sentyabr ayı ilə müqayisədə 2,1 dəfə, 2025-ci ilin avqust ayı ilə müqayisədə isə 1,8 dəfə çoxdur.
Ümumdünya Qızıl Şurasının analitiki Kavita Çakko daha əvvəl proqnozlaşdırmışdı ki, qızıla tələbat oktyabr-dekabr güclənə bilər:
Tələbin artımı həmçinin davamlı investor marağı, toylar və digər hallar üçün zərgərlik alışları və aşağı istehlak vergilərinin potensial təsiri ilə şərtlənir.
Hindistanda mal və xidmət vergisi islahatı sentyabrın 22-də qüvvəyə minib.
2025-ci ilin cəmi 9 ayında Hindistan 36,016 milyard dollar dəyərində qızıl idxal edib ki, bu da ötən ilin eyni dövrü ilə müqayisədə 7% azdır.
Hindistan dünyanın ən böyük qızıl istehlakçılarından biridir və özü demək olar ki, heç bir qızıl istehsal etmir.
