Müəllif: Tamara Mustafayeva, Banco.az
Hindistan Mərkəzi Bankı ABŞ istiqrazlarından geri çəkilərək qızıla doğru irəliləyir.
Banco.az xəbər verir ki, Hindistan Mərkəzi Bankının (RBI) ABŞ Xəzinə istiqrazlarına yatırımı may ayında 235,3 milyard dollar olduğu halda, iyun ayında 227,4 milyard dollara enib. Ötən ilin eyni dövründə isə RBI-nin istiqrazlardakı yatırımı 242 milyard dollar səviyyəsində idi.
Hindistanın maliyyə naziri Nirmala Sitharaman ötən həftə RBI-nin ehtiyatları şaxələndirmək üçün çox diqqətlə verilmiş bir qərar qəbul etdiyini vurğulayıb.
Hazırda Hindistanın ehtiyatları təxminən 694 milyard dollar təşkil edir və bu məbləğ onu dünyada dördüncü ən böyük ehtiyata sahib ölkə mövqeyinə gətirir.
IndusInd Bank Ltd.-nin baş iqtisadçısı Gaurav Kapur bildirib ki, ABŞ-ın 2022-ci ildə Ukraynanın işğalından sonra Rusiyaya tətbiq etdiyi sanksiyalar və baş verən geosiyasi gərginliklər də mərkəzi bankların qərarlarında rol oynayıb. Onun sözlərinə görə, hər bir mərkəzi bank yatırımlarını şaxələndirmək istəyəcək.
RBI bazar ertəsi rəsmi tətil səbəbindən bağlı olub və şərh tələbinə cavab verməyib.
RBI iyul ayı etibarilə qızıl ehtiyatlarını ötən ilki 841,5 tondan təxminən 880 tona yüksəldib.
Bizi sosial şəbəkələrdən izləyin!!
