Tamara Mustafayeva, Banco.az
"Credit Suisse Group"un Qlobal Sərvət Hesabatına görə, 2021-ci ildə sərvəti 1 milyon dolları keçən milyonçuların sayı 62,5 milyon nəfər təşkil edib.
Banco.az xarici mətbuata istinadla xəbər verir ki, 2020-ci illə müqayisədə milyonçuların sayında ən çox proporsional artım qeydə alınan ölkə Yeni Zelandiya olub. Ən çox azalma isə Yaponiyada qeydə alınıb. Say hesabı ilə ən çox artım isə 2 milyon 491 min nəfərlə ABŞ-ın payına düşüb.
İndi isə gəlin digər ölkələrdə vəziyyətin necə dəyişdiyinə baxaq.
Amerika: 2 milyon 491 min
Amerikada dollar milyonçularının sayı 2020-ci ildə 21 milyon 990 min nəfər idisə, 2021-ci ildə bu göstərici 2 milyon 491 min artaraq 24 milyon 491 minə çatıb.
Çin: 1 milyon 32 min
2021-ci ildə Çində dollar milyonçularının sayı 1 milyon 32 min artaraq 5 milyon 158 mindən 6 milyon 190 minə yüksəlib.
Kanada: 430 min
2021-ci ildə Kanadada milyonçuların sayı 430 min nəfər artaraq 1 milyon 862 min nəfərdən 2 milyon 291 min nəfərə yüksəlib.
Avstraliya: 390 min
2021-ci ildə Avstraliyada milyonçuların sayı 390 min nəfər artaraq 1 milyon 787 min nəfərdən 2 milyon 177 min nəfərə yüksəlib.
İngiltərə: 266 min
2020-ci ildə İngiltərədə milyonçuların sayı 2 milyon 584 min nəfər olduğu halda, 2021-ci ildə bu rəqəm 266 min artaraq 2 milyon 849 minə çatıb.
Tayvan: 211 min
2021-ci ildə Tayvanda dollar milyonçularının sayı 658 mindən 211 min artımla 869 min nəfərə yüksəlib.
Koreya: 116 min
2021-ci ildə Koreyada dollar milyonçularının sayı 116 min artaraq 1 milyon 174 mindən 1 milyon 290 minə yüksəlib.
İsveçrə: 113 min
2021-ci ildə İsveçrədə milyonçuların sayı 113 min nəfər artaraq 1 milyon 39 min nəfərdən 1 milyon 152 min nəfərə çatıb.
Yaponiya: -395 min
2021-ci ildə dollar milyonçularının sayında ən çox azalma müşahidə edilən ölkə Yaponiya olub. 2020-ci ildə 3 milyon 760 min olan milyonçuların sayı, 2021-ci ildə 395 min azalaraq 3 milyon 366 min olub.
İtaliya: -135 min
İtaliyada dollar milyonçularının sayı ötən il 135 min azalaraq 1 milyon 548 mindən 1 milyon 413 minə düşüb.
Almaniya: -58 min
Almaniyada dollar milyonçularının sayı 58 min nəfər azalaraq 2 milyon 742 mindən 2 milyon 683 minə enib.
Niderland: -56 min
2020-ci ildə Niderlandda 1 milyon 205 min milyonçu yaşayırdısa, ötən il bu rəqəm 56 min azalma ilə 1 milyon 149 minə geriləyib.
Türkiyə: -36 min
2020-ci ildə Türkiyədə 109 min milyonçu olub. 2021-ci ildə isə milyonçuların sayı 36 min azalaraq 73 minə enib.
Belçika: -26 min
2020-ci ildə Belçikada 615 min milyonçu yaşayıb. 2021-ci ildə milyonçuların sayı 26 min nəfər azalaraq 589 min nəfər olub.
Fransa: -26 min
Fransada milyonçuların sayı 26 min nəfər azalaraq 2 milyon 822 mindən 2 milyon 796 minə düşüb.
İspaniya: -17 min
İspaniyada yaşayan milyonçuların sayı ötən il 26 min nəfər azalaraq 1 milyon 149 mindən 1 milyon 132 minə düşüb.
Bizi sosial şəbəkələrdən izləyin!!