Bir çox funksiyaları özündə cəmləşdirən mobil telefonlar artıq həyatımızın ayrılmaz hissəsinə çevrilib. Bu gün telefondan təkcə əlaqə vasitəsi kimi deyil, eyni zamanda şəkil çəkmək, film izləmək, kitab oxumaq, musiqi dinləmək, hətta pul qazanmaq kimi bir çox məqsədlər üçün istifadə edilir. Texnologiyanın sürətli inkişafı mobil telefonların funksiyalarının sayının daha da artmasına gətirib çıxarır. Bu inkişaf o qədər sürətlə baş verir ki, artıq bir neçə aya istifadə etdiyimiz telefonun yeni modeli çıxır.

Banco.az da öz növbəsində ən çox tələbin olduğu 3 brendə məxsus yeni model telefonlarının yerli elektronika mağazalarında qiymətlərini müqayisə edib.

Nümunə olaraq Apple şirkətinin İphone 11 Pro 256 GB, Samsung şirkətinin Samsung Galaxy S10+ 128 GB və Xiaomi şirkətinin Xiaomi Mİ 9 - 128GB telefon modelləri götürülüb. Şirkətlər 12 aylıq ödənişlə ən aşağı məbləğdən çoxa doğru sıralanıb (Maxi şirkətinin kredit ödənişi müddəti maksimum 6 aydır). Şirkətlərin adına klikləməklə modellərlə bağlı ətraflı məlumatı əldə edə bilərsiniz.

Soliton mağazalarında ilkin və aylıq ödənişin məbləği yeni, ikinci və daimi müştəri olmasından asılı olaraq dəyişir. Qeyd edək ki, cədvəldəki məbləğ yeni müştərilər üçün keçərlidir. İkinci dəfə bu mağazadan alış-veriş edirsinizsə, bu zaman bu telefon üçün ilkin olaraq 858 manat, aylıq isə 285.89 manat məbləğində pul ödəməlisiniz. Əgər siz daimi müştərisinizsə, bu halda ilkin 429 manat, aylıq isə 321.64 manat ödəməlisiniz.

Soliton mağazalarında ikinci müştəri üçün bu model telefonun ilkin ödəniş 440 manat, daimi müştərilər üçün isə 220 manatdır. Aylıq ödənişə gəldikdə isə ikinci müştəri üçün bu məbləğ 146.58 manat, daimi müştəriyə 164.92 manatdır.

Müştərilərinə fərqli yanaşan Soliton bu modeli ikinci və daimi müştərilərinə ilkin ödənişi uyğun olaraq 208 və 104 manat tətbiq edir. Aylıq ödəniş isə 69.25 və 77.92 manat məbləğindədir.

*Qiymət yeni müştərilər üçün keçərlidir.

**Maaşa əsasən təyin edilir

*** Kreditin müddəti 6 aydır

Tərlan Qəhrəmanova və Tahir Əsgərli, Banco.az