Bu gün kimilərinin sevimlisi, kimilərinin isə qorxulu yuxusuna çevrilən Taksit kartları barəsində olan araşdırmamızı təqdim edirik.

Taksit kartı– bərpa olunan kredit xətti ilə müştərilərə pulsuz (bəzi hallarda ödənişli) təqdim edilən, müxtəlif üstünlüklərə malik kredit kartıdır.

Ən sərfəli taksit kartı hansıdır? Yeni 2021

Taksit kartları sizlərə Banklarla tərəfdaş olan ticarət / xidmət yerlərində mal və xidmətlərin dəyərini Taksit kartı ilə ödəmə imkanı təqdim edir. İstifadə edilən məbləğ faiz hesablanmadan (bəzi hallarda faizlə) Banka bərabər hissələrlə tərəfdaşdan asılı olaraq 1, 2, 3, 6, 12 və ya 18 aya ödənilir.

Taksit kartları ilə həmçinin bankların bankomatlarından müəyyən məbləğdə nağd pul çıxarmaq olar. İstifadə edilən məbləğ müəyyən komissiya ilə Banka bərabər hissələrlə bir neçə aya ödənilir.

Kart üzrə borc müvafiq aylar ərzində hər ayın müvafiq tarixinədək Banka ödənilir. Ödənilən məbləğ kart hesabına mədaxil olunur və yenidən istifadə edilə bilər.

Ödəniş müddətində borca faiz hesablanmır(bəzi kartlarda hesablanır) , lakin gecikmə olduqda cərimə faizi hesablanır.

Ölkəmizdə baş verən devalvasiyalardan sonra taksit kartlarının ödənişi və yenidən verilişində müəyyən axsaqlıqlar yaşansa da, artıq demək olar ki, çox taksit kartının sifarişi aktivləşib. Lakin, şərtlər əvvəlki dövrlərlə müqayisədə daha ciddiləşib deyə bilərik. 

Siz  Bank of Baku (Bolkart), Unibank (Albalı Plus),  Kapital Bank (BirKart), Expressbank (Smilecard), ASB Bank (Extra Card), Yapı Kredi Bank Azərbaycan (Worldcard) və Bank Respublika-nın (Paykart) taksit kartlarından faydalana bilərsiniz.

Qeyd edək ki, taksit kartı almaq üçün şəxsiyyət vəsiqəsi və iş yerinə dair arayış və ya kartdan çıxarış tələb olunur. Əmək haqqı üçün qoyulan tələb limiti isə bankdan banka fərqlənir. 

Aşağıdakı şəkildə cədvəldə Bankların təqdim etdikləri taksit kartlar üzrə göstəricilər ilə tanış ola bilərsiniz.

Məlumatlar banklarla əlaqə saxlanılaraq öyrənilmişdir.

1.  Hal-Hazırda sadəcə Albalı Plus Gold və Albalı Plus Standart taksit kartlarının sifarişi mümkündür. 
2.  Ölkəmizin istənilən bankından maaş və ya pensiya alan şəxslər BirKart taksit kartı əldə etmək üçün müraciət edə bilər. BirKart əldə etmək üçün hazırki iş yerində 6 aylıq iş təcrübəsi (Kapital Bankdan maaş alanlar üçün 3 ay) tələb olunur. Pensiyaçılar üçün isə belə bir tələb yoxdur. BirKartla ilk 90 gün ərzində 3 dəfə 10 AZN-lik əməliyyat etdikdə müştəri kartın 1 illik ödənişindən azad olur
3. Bolkart-ın digər növləri haqqında ətraflı məlumat üçün buraya klikləyin.  
4. Extra kart almaq üçün 1 nəfər zamin tələb olunur, kart haqqında ətraflı məlumat üçün ASB bankın istənilən filiallarına yaxınlaşmaq bəs edir.