“Günay Sığorta”nın xalis mənfəəti kəskin artıb | Banco.az

“Günay Sığorta”nın xalis mənfəəti kəskin artıb

“Günay Sığorta” ASC 2019-cu ilin birinci yarısını 439 min manat xalis mənfəət ilə başa vurub. Bu, ötən ilin eyni dövrü ilə müqayisədə 59% çoxdur. Belə ki, Şirkət 2018-ci ilin birinci yarısını 259 min manat xalis mənfəət ilə bağlamışdı.

Cari ilin yanvar-iyun dövründə “Günay Sığorta”nın cəmi gəlirləri 3 milyon 12 min manat, cəmi xərcləri 2 milyon 573 min manat, əməliyyat mənfəəti isə 439 min manat təşkil edib. Şirkət əməliyyat mənfəətindən vergi ödəməyib.

Müqayisə üçün qeyd edək ki, 2018-ci ilin yanvar-iyun dövründə “Günay Sığorta”nıncəmi gəlirləri 4 milyon 478 min manat, cəmi xərcləri 4 milyon 202 min manat,əməliyyat mənfəəti 276 min manat təşkil etmişdi. Ötən il “Günay Sığorta”nın cəmi gəlirlərinin 936 min manatını sığorta ehtiyatından azadolma təşkil etmişdi.

Ən sərfəli kredit üçün müraciət et

2018-ci ilin ilk 6 ayında “Günay Sığorta”nın topladığı sığorta haqları 3 milyon 332 min manat ikən, 2019-cu ilin ilk 6 ayında 2 milyon 675 min manata düşüb. Sığorta ödənişləri isə 1 milyon 563 min manatdan 942 min manata geriləyib.

“Günay Sığorta”da yarımillik işlərin aparılması xərcləri ötən ilin 1-ci yarısında 1 milyon 550 min manat ikən, 2019-cu ilin 1-ci yarısında 1 milyon 301 min manata düşüb.

Təkrarsığortaya verilmiş sığorta haqları üzrə xərc 786 min manatdan 115 min manata geriləyib.

Cəmi gəlirlərin azalması ilə bərabər, “Günay Sığorta”da cəmi xərclərinin daha çox azalması hesabına şirkətin mənfəəti artıb.

Marja

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç