ABŞ-ın "Google" şirkəti Tayvanın mobil cihaz istehsalçısı olan "HTC"-nin smartfon bölməsini satın alıb. "Habertürk"ə istinadən verilən məlumata görə, tərəflər arasında sövdələşmənin məbləği 1,1 mlrd. dollar təşkil edib. Bu prosesin 2018-ci ildə tamamlanması gözlənilir.
Bundan sonra "HTC"-nin 2 min əməkdaşı "Google"un işçiləri hesab olunacaqlar.
Qeyd edək ki, vaxtı ikən hər 10 telefondan 1-ni istehsal edən "HTC", artıq qlobal smartfon bazarındakı mövqeyini itirərək, yalnız 0,9% paya malikdir.
"Google" bundan əvvəl eyni satınalma əməliyyatlarını "LG" və "Motorola" markaları ilə də reallaşdırıb.
Mənbə: Report.az
