Bu vaxtadək 490 iştirakçıya “Yaşıl dəhliz” sistemindən istifadə hüququ verilib.
Bu barədə Dövlət Gömrük Komitəsinin sədri Səfər Mehdiyev noyabrın 26-da keçirdiyi mətbuat konfransında deyib.
O bildirib ki, idxal əməliyyatlarında 297 iştirakçı, ixrac əməliyyatlarında isə 193 iştirakçı "Yaşıl dəhliz"dən istifadə hüququndan yararlanıb.
2019-cu ilin Oktabr ayına olan məlumata görə, xarici ticarət iştirakçıların sayı 35 261, o cümlədən fiziki şəxs iştirakçıların sayı 27 156, hüquqi şəxs iştirakçıların sayı 8 105 olub. Beləliklə, xarici ticarət iştirakçılarının cəmi 1,4%-nə “Yaşıl dəhliz” sistemindən istifadə hüququ verilib.
Yaşıl Dəhliz buraxılış sistemi
"Yaşıl Dəhliz" buraxılış sisteminin məqsədi qanunvericiliyə riayət edən xarici ticarət iştirakçıları üçün daha əlverişli şərait yaratmaq, biznesin dövlət tənzimləmə mexanizmlərinin effektivliyini artırmaq, könüllü riayət mədəniyyətini formalaşdırmaq, risk qiymətləndirilməsi və gömrük auditi əsasında gömrük nəzarətini və rəsmiləşdirilməsini daha çevik və şəffaf həyata keçirməklə fiziki gömrük yoxlamalarını minimuma endirmək, ölkənin ixrac potensialını gücləndirmək, məmur-sahibkar münasibətlərini müasir idarəçilik prinsiplərinə uyğun olaraq inkişaf etdirmək və mövcud resurslardan daha optimal istifadəni təmin etməkdir.
Ümumi üstünlüklər:
-Sərhəd buraxılış məntəqələrindən prioritet keçid
-Gömrük xidmətlərindən istifadə zamanı prioritetlik
-Mimimum fiziki yoxlamalar
-Gömrük ekspertizasının prioritet qaydada aparılması
-Gömrük rəsmiləşdirilməsinin iş yerindən və iş vaxtından kənar aparılması
-Xarici ticarət üzrə təlimlərdə iştirak
Spesifik üstünlüklər:
-İdxal olunan malların şəxsin anbarına birbaşa aparılması və gömrüyə gəlmədən malların boşaldılması
Gömrüyə gəlmədən malların ixracının birbaşa öz anbarından həyata keçirilməsi
marja
