Müəllif: Tamara Mustafayeva, Banco.az
"Goldman Sachs" agentliyi Brent markalı neftin qiymət proqnozunu aşağı salıb.
Banco.az xəbər verir ki, neft bazarında tələb proqnozları bəzən narahatlıq doğursa da, 2025-ci il hədəfləri də nəzərdən keçirilir.
Daan Struyven də daxil olmaqla "Goldman Sachs" analitikləri 2025-ci il üçün Brent markalı neftin orta qiymət proqnozlarını 82 dollardan 77 dollara endiriblər.
Analitiklər OPEC-in bu ilin dördüncü rübündə neft hasilatını artıracağının gözlənildiyini bildirirlər. Onlar bazarın “OPEC-in spot tarazlıqları dəstəklədiyi və dəyişkənliyi azaltdığı tarazlıqdan, OPEC-ə daxil olmayan tədarükün strateji qaydada nizamlanmasına və uyğunluğun dəstəklənməsinə yönəlmiş uzunmüddətli tarazlığa” keçə biləcəyini proqnozlaşdırırlar.
Qeyd edək ki, hazırda neft bazarlarının əsas diqqət mərkəzində OPEC üzvü Liviyada baş verən hadisələr dayanıb. Liviyanın şərqində hökumət "neft hasilatını və ixracını dayandırmaq" qərarına gəlib. Mərkəzi Banka və neft sərvətlərinə nəzarət uğrunda Tripolidə yerləşən rəqibi ilə mübarizə aparan Liviyanın şərqindəki hökumət bütün neft yataqları, terminallar və obyektlərdə fors-major vəziyyət elan edib.
Bizi sosial şəbəkələrdən izləyin!!
