Global Finance jurnalı Asiya-Sakit okean regionun inkişaf etməkdə olan ölkələrinin ən yaxşı banklarının adlarını açıqlayıb. Jurnal həmin ölklərini regionin inkişafda olan ən yaxşı bazarları adlandırır. Global Finance, sektor üzrə analitiklərin, şirkət rəhbərlərinin və bank məsləhətçilərinin köməyi ilə jurnalın redaktorları, regionun inkişaf edən bazarının 25 ölkəsində ən yaxşı bankların adlarını sıralayıblar.

Qalibin seçim meyarları sırasında aktivlərin artımı, strateji əlaqələrin mövcudluğu, müştəri xidmətlərinin yüksək keyfiyyəti, qiymətlərin rəqabət qabiliyyətinə və innovativ məhsulların qiymətləndirilməsi yer alıb.

Artıq 22-ci ildir ki, Global Finance jurnalı inkişaf edən bazarlarda ən yaxşı bank iştirakçılarını seçir.  Onun hesabatları Latın Amerikasının, Mərkəzi və Qərbi Avropanın, Asiya və Sakit okean regionlarının, eləcə də Yaxın Şərqin və Afrikanın ən yaxşı banklarını seçir.  

 “Yeni tənzimləyici perspektivlər və dəyişkən şərait səbəbindən bütün dünyada bank bazarları əhəmiyyətli dərəcədə dəyişir. Bazarın bəzi qlobal iştirakçılarının öz əhatə zonasını və məhsul çeşidlərini azaltdığı bir vaxtda bəzi regional və yerli iştirakçılar öz daxili bazarlarını genişləndirirlər” – deyə Global Finance jurnalının naşiri və baş redaktoru Cozef D. Ciaraputo bildirib. “Biz fəaliyyət göstərdiyi bazarlara böyük töhfə verən və həmin bazarlardakı müştərilərin səciyyəvi ehtiyaclarını anlayan bankları mükafatlandırırıq”.

Azərbaycan banklarından bu mövqeyə AccessBank layiq görülüb.

Digər bankların adı ilə aşağıda tanış ola bilərsiniz.