Gələn ilin ehtiyac meyarı və yaşayış minimumu təsdiqləndi | Banco.az

Gələn ilin ehtiyac meyarı və yaşayış minimumu təsdiqləndi

Milli Məclisin plenar iclasında “Sosial təminatı və müdafiəni həyata keçirən müvafiq icra hakimiyyəti orqanının 2020-ci il büdcəsi haqqında” və “İşsizlikdən sığorta fondunun 2020-ci il dövlət büdcəsi haqqında” qanun layihələri birinci oxunuşda qəbul olunub.

Hər iki məsələ parlamentin bugünkü plenar iclasında səsverməyə çıxarılaraq qəbul edilib.

Bundan başqa, “Əmək pensiyaları haqqında” (birinci oxunuş), “Məşğulluq haqqında” (birinci oxunuş), “Sosial müavinətlər haqqında” qanun layihələri qəbul edilib.

İclasda həmçinin Azərbaycanda 2020-ci il üçün ehtiyac meyarı və yaşayış minimumu da təsdiqlənib.

Ən sərfəli kredit üçün müraciət et

Gələn il üçün ehtiyac meyarının həddi 160 manat məbləğində müəyyən edilib.

Gələn il üçün yaşayış minimumu ölkə üzrə 190 manat, əmək qabiliyyətli əhali üçün 201 manat, pensiyaçılar üçün 157 manat və uşaqlar 170 manat məbləğində müəyyən edilib.

Qeyd edək ki, 2019-cu il üçün yaşayış minimumu ölkə üzrə 180 manat, əmək qabiliyyətli əhali üçün 191 manat, pensiyaçılar üçün 149 manat, uşaqlar üçün 160 manatdır. 

marja

 

Ən sərfəli krediti almaq üçün müraciət et