Müəllif: Tamara Mustafayeva, Banco.az
“Fitch” iqtisadi artım proqnozlarını aşağı salıb.
Banco.az xəbər verir ki, beynəlxalq kredit reytinq agentliyi “Fitch” inkişaf etməkdə olan ölkələrdə ortamüddətli potensial artım proqnozlarına yenidən baxıb.
“Fitch Ratings” Qlobal İqtisadi Görünüş (GEO) hesabatına daxil edilmiş 10 inkişaf etməkdə olan ölkə (EM) üçün ortamüddətli potensial artım proqnozunu ÜDM-in orta çəkisi əsasında 4 faizə endirib.
Xatırladaq ki, 2021-ci ildəki əvvəlki qiymətləndirmədə bu nisbət 4,3 faiz idi.
Qurum aşağı istiqamətli reviziyanın əsas səbəbinin Çinin tədarük yönlü artım potensialı proqnozundakı 0,7 bənd azalma olduğunu bildirib.
Orta hesabla 10 inkişaf etməkdə olan ölkə üçün potensial artım dəyişməz olaraq 3 faiz səviyyəsində qalmışdır ki, bu da digər regionlarda yuxarıya doğru düzəlişləri əks etdirir.
Qurum Çin üçün artım proqnozunu 5,3 faizdən 4,6 faizə, Rusiya üçün 1,6 faizdən 0,8 faizə, Koreya üçün 2,3 faizdən 2,1 faizə, Cənubi Afrika üçün isə 2,3 faizdən 2,1 faizə endirib.
Bizi sosial şəbəkələrdən izləyin!!
