Beynəlxalq kredit reytinq agentliyi "Fitch", ABŞ rəhbərliyinin dünən açıqladığı tarif dərəcələrinin ölkənin gömrük rüsumlarını 1909-cu ildən bəri ən yüksək səviyyəyə qaldırdığını bildirib.
Banco.az xəbər verir ki, "Fitch" açıqlamasında ABŞ-ın 57 ticarət ortağı üçün minimum 10 faiz gömrük rüsumunun və daha yüksək tarif dərəcələrinin tətbiq edildiyi xatırladılıb və "Qurtuluş Günü" tariflərinin keçən ay dərc edilən "Qlobal İqtisadi Görünüş" hesabatında nəzərdə tutulan dərəcələri kəskin şəkildə aşdığına diqqət çəkilib.
Qeyd edək ki, ABŞ Prezidenti Donald Tramp bütün ölkələrə qarşı ikitərəfli tarifləri elan etdiyi 2 apreli “Azadlıq Günü” kimi xarakterizə edib.
Bu dəyişikliklərin ABŞ üçün qüvvədə olan ümumi tarif dərəcəsini təxminən 25 faizə qaldıracağı təxmin edilir ki, bu da mart ayında proqnozlaşdırılan 18 faizdən və 1909-cu ildən bəri ən yüksək səviyyədən xeyli yüksəkdir.
