“Finoko” dollarda illik gəlirliliyi 14% olan istiqraz buraxır | Banco.az

“Finoko” dollarda illik gəlirliliyi 14% olan istiqraz buraxır

Maliyyə Bazarlarına Nəzarət Palatası “Finoko” ASC – bank olmayan kredit təşkilatının (BOKT) istiqraz emissiyasını qeydə alıb. Emissiya hər birinin nominal dəyəri 1 000 ABŞ dolları olan 610 ədəd istiqrazın dövriyyəyə buraxılmasını nəzərdə tutur.

Kredit təşkilatından verilən məlumata görə, qiymətli kağızlar 3 il müddətində tədavüldə olacaq. Onların illik gəlirliliyi 14% təşkil edir. Faizlər rübdə bir dəfə ödəniləcək. Emissiyanın anderrayteri “PAŞA Kapital” investisiya şirkətidir.

Ən sərfəli kredit üçün müraciət et

Xatırladaq ki, "Finoko" 2014-cü ildə yaradılıb. Onun nizamnamə kapitalı 1 mln. manatdır. BOKT-un səhmlərinin 50%-i Elçin Rəşid oğlu Əliyevə (Müşahidə Şurasının sədri), 50%-i isə Elmar Rəşid oğlu Əliyevə (Müşahidə Şurasının üzvü) məxsusdur.

Mənbə: Report.az

Ən sərfəli krediti almaq üçün müraciət et