ABŞ Mərkəzi Bankının (Fed) sədri Cerom Pauel (Jerome Powell), bankın Oktyabr ayı iclasının ardından keçirdiyi mətbuat konfransında açıqlamalar verib.
"Mövcud pul siyasəti (həmçinin faizlər) ehtimalla vəziyyətə uyğundur və bir müddət bu səviyyədə qalacaq" deyib. Beləliklə, Fed faiz qərarlarına fasilə verdiyinə işarə edib.
Fed Oktyabr yığıncağında 25 bənd faiz endiriminə gedib və faizlər 1,75% - 2.00% aralığından 1.50% - 1.75% aralığına salınıb.
Bu il Fed 3 dəfə faiz endirib. Fed İyul iclasında faizləri 25 bənd azaldaraq 2,25% - 2,50% aralığından 2% - 2,25% aralığına, Sentyabr ayındakı iclasında isə 25 bənd azaldılaraq 2% - 2,25% aralığından 1,75% - 2% aralığına endirmişdi.
Pauel, "Bu gün faiz endiriminin lehinə güclü bir səsvermə oldu. Doğru qərarı verdiymizə güclü bir şəkildə inanıram" deyib.
İnflyasiyanın zəif qalmaqada davam etdiyinə diqqət çəkən Pauel, "İnflyasiyanın 2%-ə yüksəlməsini gözləyirik", - deyib.
"İqtisadiyyatın mülayim bir sürətdə artmasını gözləyirik" deyən Pauel, sözlərini "Çətinlik çəkən bir çox adam artıq fürsətlər tutur" deyərək davam etdirib.
İstehlakçı sektorunun güclü olduğunu söyləyən Pauel, istehlakçıların güclü bir şəkildə iqtisadi artımın drayveri olduğunu qeyd edib.
Fed sədri siyasətin mövcud durumu dəstəkləmək üçün yaxşı bir mövqedə olduğunu düşündüklərini ifadə edib.
Dünyanın güclü bir deflyasiya təzyiq altında olduğunu ifadə edən Pauel, ABŞ-ın qlobal deflyasiya təzyiqlərindən azad olmadığını vurğulayıb.
"İnflyasiya artmasa faiz artırılmayacaq"
İstehlakçıların "digər zəifliklərdən təsirlənmir kimi göründüyünü" söyləyən Pauel, "hazırda inflyasiyanın yüksəldiyini görmürük" deyib.
Fed sədri, "Durum dəyişməsi vəziyyətində cavab veriləcəkdir" deyib. Pauel,"Gələcəkdə faiz artıramaq üçün uyğun zamanlar olacaq. Bu anda faiz artırmağı düşünmürük. Faiz artırmağımızdan əvvəl inflyasiyanın yüksəlməsi lazımdır".
Ticarət müharibəsi və Brexit-ə də toxunan Pauel, "Müqaviləsiz Brexit riski konkret şəkildə azalmış kimi görünür" deyib.
Ticarət gərginliyində bir azalmanın "yaxşıya işarə" olacağını söyləyən Pauel, bununla birlikdə ticarət gərginliyinin azalmasının iqtisadiyyatı dəstəkləməsinin zaman tələb etdiyini əlavə edib.
Marja
