Cnet platforması - Facebook şəbəkəsinin Moments tətbiqinin dayandırılması barədə məlumat paylaşıb. Belə ki, Momeтts istifadəçilərə Facebook şəbəkəsinə əlavə edilmədən, şəkillər ilə bir-başa paylaşmağa icazə verirdi. İndi isə şirkət istifadəçilərə, digər bir sayt vasitəsi ilə şəkilləri bir-başa öz kompyuterlərinə, smartfonlarına və ya Facebook-da başqalarının görə bilməyəcəyi bir alboma yerləşdirmək imkanı verəcək.

Facebook şirkəti Moments servisini 2015-ci ildə istifadəyə verib. Təəssüf hissi ilə üç il yarımlıq fəaliyyəti ərzində servisin populyarlıq qazana bilmədiyi qeyd olunur. Belə ki, Cnet platformasının analitik şirkət olan Sensor Tower ilə birgə araşdırılması zamanı,  Facebook şəbəkəsinin yalnız 87 milyon istifadəçisinin Moments servisini yüklədiyi məlum olmuşdur.

Qeyd edək ki, Facebook sosial şəbəkəsinin aylıq auditoriyası 2 milyard insan təşkil edir. 

Həmçinin oxu: Facebook jurnalistikanın inkişafı məqsədi ilə 300 milyon dollar vəsait ayıracaq

Günel Gözəlova, Banco.az