Expressbank-da UNEC tələbələri üçün açıq qapı günü keçirildi | Banco.az

Expressbank-da UNEC tələbələri üçün açıq qapı günü keçirildi

Expressbank-da gənclərin yeni biliklər əldə etməsinə və bank fəaliyyəti ilə yaxından tanış olmağa yönəlmiş tədbirlərin keçirilməsi artıq ənənə halını almışdır.  Bu təşəbbüsün davamı olaraq 19 dekabr tarixində Bankda tələbələr üçün açıq qapı günü elan edilmişdi.

Azərbaycan Dövlət İqtisad Universitetində təhsil alan 4-cü kurs tələbələrin bilik, bacarıq, və təcrübə əldə etməsi baxımından bankın iş prosesi ilə tanış olmaları üçün Expressbank-da şərait  yaradılmışdı.

İnsanlar Resursları departamentinin əməkdaşları  tələbələri salamlayaraq, Expressbank-ın tarixi haqqında qısa məlumat təqdim etdi. Daha sonra hər bir şöbəyə tələbələr ilə birlikdə ziyarət edildi, iş prosesi ilə yaxından tanış olundu. Şöbə və departament nümayəndələri bank məhsul və xidmətləri, bankda iş təcrübəsi haqqında və karyera qurmaq üçün vacib olan amillər barədə təqdimat ilə çıxış etdilər. Görüşün sonunda qarşıdan gələn bayramlar münasibətilə tələbələrə Expressbank adından hədiyyələr təqdim edildi.

Ən sərfəli kredit üçün müraciət et

Tədbirin maraqlı məqamları ilə  https://www.youtube.com/watch?v=SUQhioSFC0A  linkdən tanış ola bilərsiniz.

Pərakəndə və biznes bankçılıq sahəsində geniş çeşiddə bank məhsulu və xidmətlər təklif edən “Expressbank”ın ölkə ərazisində 15 filialı mövcuddur. Bank xidmətləri barədə ətraflı məlumatı 132 Məlumat Mərkəzinə zəng edərək, www.expressbank.az  saytına və ya bankın sosial şəbəkələrdəki rəsmi səhifələrinə daxil olaraq əldə edə bilərsiniz. 

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç