Hazırda Apple/Google buludunda bank kartına sahib olan şəxslər nağdsız şəkildə bəxşiş ödənişləri icra edəcəklər (NOCASH), həmçinin Visa şirkətinin  CyberSource həllindən istifadə  etməklə Asan və digər satış məntəqələrində Dövlət xidmətləri ödənişlərindən rahatlıqla yararlanacaqlar.

EPUL onlayn ödəniş platforması, ATB bank və Visa pərakəndə  satış məntəqələri şəbəkəsində VİSA Apple/Gpay tokenizasiyasında CyberSource həllini istifadə verdiyini elan  etdi. İndi Apple/Google cüzdanlarında bank kartına sahib olan EPUL partnyorları ödəniş linkinə keçməklə kart məlumatlarını daxil etməyə və 3DS kodunu təsdiqləməyə ehtiyac  duymurlar. Ödəniş  etmək  üçün sadəcə TouchID-dən və ya smartfonunda FaceID istifadə  etmək kifayətdir. CyberSource platforması sahibkarlara bir çox kanallar üzrə ödənişləri  qəbul etməyə, onları  rahat idarə etməyə, fırıldaqçılığın avtomatik  qarşısını almağa və müştəri ödəniş  məlumatlarını təhlükəsiz  saxlamağa imkan verən ödənişlərin işlənməsi üzrə dünya liderlərindən  biridir.

CyberSource platformasının üstünlükləri:

• Ödənişləri təhlükəsiz və səmərəli şəkildə emal etməyə kömək edir;
• 160 ölkədə fəaliyyət  göstərir, ölkələrin 97%-ni əhatə edir;
• Hazır e-ticarət platformalarından istifadəni təmin edir.

 CyberSource asan ödəniş inteqrasiyası və fırıldaqçılıqdan müdafiəni təmin edir. CyberSource-dən istifadə fırıldaqçılıq riskini 20% azalda, satışları isə 15% artıra bilər.

CyberSource vasitəsi ilə ödəniş istənilən Visa kartlarından, həmçinin Apple Pay və ya Google Pay rəqəmsal pul kisələrindən istifadə etməklə mümkündür.

Visa və tərəfdaşlar arasında sıx strateji əməkdaşlıq innevativ ödəniş üsullarının tətbiqini reallığa çevirir və Azərbaycanda ekvayrinqin əhəmiyyətli hissəsini  əhatə edir, bu da rahat, təhlükəsiz  və sərfəli xidmətdən istifadə üçün daha çox biznes nümayəndələrini cəlb  etməyə imkan verir. İstifadəçilər üçün texnologiyanın  üstünlüyü ödəniş üsulunun seçilməsi və ödəniş prosesinin asanlığıdır.  

“Visa-nın strateji  məqsədi Azərbaycanda nağdsız iqtisadiyyatın inkişafına töhfə verməkdir. Ölkədə innovativ  CyberSource həllinin istifadəyə verilməsi sahibkarlar  üçün rəqəmsallaşma səviyyəsini yüksəldəcək və təhlükəsiz edəcək. EPUL və ATB banka əməkdaşlığa görə minnətdarlığımızı bildiririk. Əminik ki, ölkədə rəqəmsallaşmanın inkişafı istiqamətində birgə işimizi davam etdirəcəyik ”,-deyə Visanın Azərbaycandakı baş direktoru və regiondakı meneceri Nurlan Hacıyev bildirmişdir.

“Azərbaycan sürətlə inkişaf edən elektron ticarət bazarıdır. Bu sahədə əməliyyatların həcmi sürətlə artır və onlayn biznes üçün təkcə yeni imkanlar deyil, həm də yeni çağırışlar yaradır. Biz nağdsız ödənişlərin maksimum sürətini, rahatlığını  və təhlükəsizliyini təmin etmək üçün çox çalışırıq və Azərbaycanda Visa-dan CyberSource həllinin ilk fintech tərəfdaşı olmağımızdan məmnunuq”,- “Paysis”MMC, EPUL platformasının baş direktoru Samir Nasibov bildirmişdir.

“Biz Azərbaycanda maliyyə texnologiyasında yeniliklər etməkdən qürur duyuruq və bu tendensiyanı davam etdirmək niyyətindəyik. Biz trasmilli korporasiyalara və yerli  tərəfdaşlarımıza ödənişlərin təhlükəsiz  və innovativ qəbulunu təmin edən texnologiyanı Visa platformasından təmin etməkdən məmnunuq”, - ATB bankın prosesinq mərkəzinin direktoru Abdulov Namid bildirmişdir.

EPUL.az platformasının yaradıcısı olan “PAYSİS”MMC 2014-cü ildə təsis edilib. İnnovativ ödəniş platforması ödəniş sahəsində İT, aqreqasiya, maliyyə inteqrasiya və digər xidmətləri göstərir.

•         Web: https://e-pul.az/epay/home 

•         Android: https://play.google.com/store/apps/details?id=az.epul.technopay.android

•         IOS: https://apps.apple.com/us/app/e-pul/id965770019?ign-mpt=uo%3D4