Müəllif:Mehin Qasımova,Banco.az

ABŞ-ın enerji nəhəngləri Chevron və ExxonMobil-in mənfəəti neft qiymətlərinin düşməsinin təsiri ilə bu ilin üçüncü rübündə müvafiq olaraq 21 faiz və 12 faiz azalıb.

Banco.az xəbər verir ki, enerji şirkətləri "Chevron" və "ExxonMobil" iyul-sentyabr dövrü üçün balans hesabatlarını açıqlayıblar.

Müvafiq olaraq, “Chevron”un xalis mənfəəti bu ilin üçüncü rübündə keçən ilin eyni dövrü ilə müqayisədə 21 faiz azalaraq 3,5 milyard dollar olub. Şirkət ötən ilin eyni dövründə 4,5 milyard dollar mənfəət əldə edib.

Chevron-un səhm üzrə xalis mənfəəti ötən ilin üçüncü rübündə 2,48 dollardan bu ilin eyni dövründə 1,82 dollara düşüb.

Şirkət üçüncü rübdə keçən ilin eyni dövründəki 50,7 milyard dollar gəlirlə müqayisədə 49,7 milyard dollar gəlir əldə edib.

ExxonMobil-in xalis mənfəəti 7,5 milyard dollara düşüb.

ExxonMobil-in xalis mənfəəti bu ilin üçüncü rübündə illik müqayisədə 12 faiz azalaraq 7,5 milyard dollara düşüb. "ExxonMobil" ötən ilin eyni dövründə 8,6 milyard dollar mənfəət əldə etdiyini bildirmişdi.

Enerji nəhənginin səhm üzrə xalis mənfəəti ötən ilin üçüncü rübündə 1,92 dollardan bu ilin eyni dövründə 1,76 dollara düşüb.

Üçüncü rübdə şirkətin gəliri 85,3 milyard dollar olub. "ExxonMobil" ötən ilin eyni dövründə 90 milyard dollar gəlir əldə etdiyini bildirib.