Müəllif: Tamara Mustafayeva, Banco.az
2023-cü ildə “BP”nin mənfəəti 50 faiz azalıb.
Banco.az xəbər verir ki, Britaniyanın enerji nəhəngi “BP” maliyyə hesabatını açıqlayıb.
Hesabata görə, şirkətin ötən ilin dördüncü rübündəki mənfəəti əvvəlki ilin eyni dövrü ilə müqayisədə 37,8 faiz azalaraq 2,9 milyard dollar hesablanıb.
Şirkətin mənfəəti ötən il ümumilikdə isə 2022-ci illə müqayisədə 50 faiz azalaraq 13,8 milyard dollara düşüb.
Qeyd edək ki, “BP”nin mənfəəti ötən rübdə azalsa da analitiklərin proqnozlarını üstələyib. Belə ki, analitiklər bu dövr üçün 2,6 milyard dollar mənfəət gözləyirdilər.
Bizi sosial şəbəkələrdən izləyin!!
