Əmanətçilərə ödənilən kompensasiya 619 milyon manatı keçib | Banco.az

Əmanətçilərə ödənilən kompensasiya 619 milyon manatı keçib

Əmanətlərin Sığortalanması Fondu (ADIF) tərəfindən bağlanmış “AG Bank”, “Amrah Bank”, “NBC Bank” və “Ata Bank” üzrə 24 min 247 əmanətçiyə 619 milyon manatdan çox kompensasiya ödənişi həyata keçirilib.

Əmanətlərin Sığortalanması Fondunun məlumatına əsasən, “Atabank”ın 9 711 əmanətçisi 242 milyon 57 min 870 manat, “Amrah Bank”ın 5 756 əmanətçisi 139 milyon 481 min 623 manat, “AGBank”ın 4 615 əmanətçisi 109 milyon 744 min 804 manat, “NBC Bank”ın isə 4 165 əmanətçisi 127 milyon 852 min 399 manat kompensasiya alıb.

“Atabank” və “Amrah Bank”ın əmanətçilərinə kompensasiyaların ödənilməsinə 1 iyun 2020-ci il tarixindən başlanılıb və kompensasiyalar nağdsız qaydada “Kapital Bank” ASC-nin adlı debet kartları və “Xəzri” sürətli pul köçürmə sistemi vasitəsilə 35 filialda ödənilir.

“AGBank” və “NBC Bank”ın əmanətçilərinə kompensasiyaların ödənilməsinə isə 16 iyun 2020-ci il tarixindən başlanılıb və kompensasiyalar nağdsız qaydada “Azərbaycan Beynəlxalq Bankı” ASC-nin adlı debet kartları vasitəsilə 20 filialda ödənilir.

Ən sərfəli kredit üçün müraciət et

Bizi sosial şəbəkələrdən izləyin!!

Facebook

Instagram

Telegram

Ən sərfəli krediti almaq üçün müraciət et