Elman Rüstəmov: "Maliyyə Bazarlarına Nəzarət Palatasının yaradılması Mərkəzi Bankın işini asanlaşdıracaq"
"Maliyyə Bazarlarına Nəzarət Palatası meqarequlyatordur". APA-nın Aran bürosu xəbər verir ki, bu barədə Azərbaycan Mərkəzi Bankının sədri Elman Rüstəmov deyib.
E. Rüstəmovun sözlərinə görə, daha öncə maliyyə bazarlarına nəzarət edən 3 qurumun (Qiymətli Kağızlar üzrə Dövlət Komitəsi, Dövlət Sığorta Nəzarəti Xidməti, Maliyyə Monitorinqi Xidməti - red.) 1 meqarequlyatorda birləşməsi Mərkəzi Bankın öz funksiyalarını həyata keçirməyi asanlaşdıracaq: "Çünki Mərkəzi Bankdan maliyyə sabitliyinin təmin olunması funksiyası alınmır və Maliyyə Bazarlarına Nəzarət Palatası ilə birlikdə biz maliyyə sektorunda, xüsusilə bank sektorunda maliyyə sabitliyinin yaradılması istiqamətində birgə çalışacağıq".
