Müəllif:Mehin Qasımova,Banco.az

İtaliya hökuməti Apennin yarımadasını Siciliya adası ilə birləşdirəcək dünyanın ən böyük asma körpüsünün layihəsini təsdiqləyib.

Banco.az xəbər verir ki, ümumi dəyəri 11,5 milyard funt sterlinq olan bu nəhəng layihə başa çatdıqdan sonra dünyanın ən uzun asma körpüsünə çevriləcək və regiondakı nəqliyyat şəbəkəsini kökündən dəyişdirəcək.

Messina boğazı üzərində tikiləcək körpünün ümumi uzunluğu 3666 metr olacaq.

Hündürlüyü 399 metr olan Empire State Building-i aşan iki nəhəng dayaq qülləsinə malik olacaq bu tikili altı zolaqlı magistral yolu və iki dəmir yolu xətti ilə gündə 200 qatara və saatda 6000 nəqliyyat vasitəsinə xidmət göstərəcək.

Afrika və Avrasiya tektonik plitələrinin toqquşma nöqtəsində yerləşən körpü yüksək seysmik riskli bir bölgədə inşa ediləcək.

Aerodinamik qanad quruluşu sayəsində nəhəng körpü saatda 216 kilometrə qədər küləklərə davam gətirə bilir və Rixter şkalası üzrə 7,1 bal gücündə zəlzələlərə davam gətirmək üçün hazırlanacaq.

Sürücülər körpüdən istifadə etmək üçün birtərəfli səyahətlər üçün 4 ilə 7 avro arasında bir haqq ödəməli olacaqlar.

Layihə rəhbərliyinin açıqlamasında bildirilir ki, bu haqq təmir xərclərini ödəyəcək və boğazı keçmək üçün mövcud qiymətdən daha əlverişli bir yol təqdim edəcək.