Müəllif:Gülbəniz Hüseynli/Banco.az

ABŞ 2023-cü ildə dünyanın ən böyük mayeləşdirilmiş təbii qaz ixracatçısı olub.

Banco.az xəbər verir ki, bu barədə ABŞ-nin Enerji İnformasiya Administrasiyasının (EIA) məlumatında deyilir. Məlumata görə, ABŞ-ın LNG ixracı gündə orta hesabla 11,9 milyard kub maye qaz təşkil edib ki, bu da 2022-ci illə müqayisədə 12% artım (1,3 milyard fut/gün) olub.

Dünyanın digər iki ən böyük LNG ixracatçısı olan Avstraliya və Qətər 2020-ci ildən 2023-cü ilə qədər hər il 10,1 milyard  10,5 milyard kub arasında təbbi qaz ixrac ediblər.

Rusiya və Malayziya son beş ildə (2019-23) qlobal miqyasda dördüncü və beşinci ən yüksək LNG ixracatçıları olub. 2023-cü ildə Rusiyadan LNG ixracı orta hesabla 4,2 milyard kub, Malayziyadan isə orta hesabla 3,5 milyard kub təşkil edib.

ABŞ-dan ən çox LNG idxal edən ölkələr Hollandiya, Fransa və Böyük Britaniya olub ki, bu da  ABŞ-ın bütün LNG ixracatının 35%-i təşkil edir.

Asiya, Yaponiya və Cənubi Koreyanın hər biri ABŞ-dan gündəlik 0,8 milyard m2 LNG ixracatı alıb ki, bu da 2023-cü ildə ölkələr üzrə ABŞ-ın dördüncü və beşinci ən yüksək LNG ixracatının həcmidir. Yaponiya, Çin və Hindistan ABŞ-dan LNG idxalını 2022-ci illə müqayisədə gündəlik 0,6 milyard kub artırıb.