Müəllif:Mehin Qasımova/Banco.az
"Binance" kriptovalyuta birjasının baş direktoru Çanqpenq Zhao vəzifəsini tərk edib.
Banco.az xəbər verir ki, bu barədə Çanqpenq Zhao sosial şəbəkədə yazıb.
“Bu gün mən Binance-in baş direktoru vəzifəsindən istefa verdim. Etiraf edirəm, emosional vəziyyətdən çıxmaq asan olmadı. Amma düz olduğunu bilirəm. Səhvlər etdim və məsuliyyəti öz üzərimə götürməliyəm”, - Changpeng Zhao sosial mediadakı "X" səhifəsində bildirib.
Kriptovalyuta birjasının təsisçisi ABŞ-da prokurorlar tərəfindən çirkli pulların yuyulmasında və vergidən yayınmada ittiham edilib. Qalmaqaldan sonra "Binance" Bank sirri haqqında qanunu pozduğuna görə ABŞ səlahiyyətlilərinə 4 milyard dollardan çox pul ödəməyə razılaşıb. Regional bazarların keçmiş qlobal rəhbəri Riçard Teng kriptovalyuta birjasının yeni baş direktoru təyin olunub.
Bizi sosial şəbəkələrdən izləyin!!
