Dünyanın ən "ağıllı" 10 ölkəsi

Müəllif:Mehin Qasımova,Banco.az

Təhsil sistemləri ölkədən ölkəyə ciddi şəkildə fərqlənir və universitetlərə çıxış imkanları, akademik nailiyyətlər, eləcə də elmi uğurlar dövlətlərin qlobal reytinqlərdəki mövqeyini müəyyənləşdirən əsas amillərdən sayılır.

Banco.az xəbər verir ki, World of Card Games tərəfindən aparılan yeni araşdırma dünyanın ən ağıllı ölkələrini müəyyən edib.

Tədqiqat zamanı ölkələr orta IQ səviyyəsi, Nobel mükafatına namizədlərin sayı və ali təhsil diplomlarına malik əhalinin nisbəti üzrə qiymətləndirilib. Nəticələr Avropa ölkələrinin bu sahədə açıq üstünlüyə malik olduğunu göstərib.

Araşdırmanın nəticələrinə görə, İsveçrə 100 baldan 92,02 bal toplayaraq siyahıda birinci yerdə qərarlaşıb. Ölkədə Nobel mükafatına namizədlərin sayı 1099 nəfərdir. Orta IQ səviyyəsi isə 99,24 olaraq ölçülüb. Təhsil göstəriciləri də İsveçrənin liderliyini təsdiqləyir: yetkin əhalinin 40,02%-i bakalavr, 18,05%-i isə ən azı magistr dərəcəsinə malikdir. Araşdırmada qeyd olunub ki, əhalinin sayına baxmayaraq, İsveçrə təhsil və elmi tədqiqat sahəsində yüksək məhsuldarlıq nümayiş etdirir.

Birləşmiş Krallıq 89,4 balla ikinci yerdə qərarlaşıb. Ölkədə 2393 Nobel mükafatına namizəd var. Orta IQ göstəricisi 99,12, əhalinin 39,59%-i bakalavr, 14,37%-i isə magistr dərəcəsinə malikdir.

Üçüncü yerdə Amerika Birləşmiş Ştatları qərarlaşıb. ABŞ 89,18 bal toplayıb və Nobel mükafatına namizədlərin sayına görə siyahıda liderdir – 5717 nəfər. Orta IQ səviyyəsi 97,43, əhalinin 38,57%-i bakalavr, 14,79%-i isə magistr dərəcəsinə malikdir.

Araşdırmanın diqqətçəkən məqamlarından biri də ilk onluqda yer alan ölkələrin doqquzunun Avropa ölkəsi olmasıdır. Niderland dördüncü, Belçika isə beşinci yerdə qərarlaşıb. Niderlandda orta IQ 100,74, Finlandiya isə siyahıda ən yüksək orta IQ göstəricisinə – 101,20 bal ilə malik ölkə olub.

Dünyanın ən ağıllı 10 ölkəsi: