Hökumətin effektivliyi ölkənin rəqabətə davamlı olmasında və iqtisadi böyüməsində əhəmiyyətli rola malikdir. Həddindən artıq bürokratiya və tənzimləmə, şəffaflığın az olması, qeyri adekvat hüquqi normalar – bütün bunlar biznesin üzərinə əlavə xərclər gətirir və ekspansiyaya əngəl olur.
Dünya İqtisadiyyatı Forumunun Qlobal Rəqabətlilik Hesabatı (Global Competitiveness Report ) dünya üzrə 144 ölkənin rəhbərliyinin effektivliyini qiymətləndirib. Yekun qlobal renkinq dövlət xərclərində israfçılıq, tənzimləmə yükü və siyası idarəetmədə şəffaflıq kimi meyarlara əsaslanaraq tərtib edilib.
Qatar ən effektiv hökumətə malik ölkə qismində çıxış edir, renkinqdə onu Sinqapur izləyir. 7-ci yerdə qərar tutan Ruanda olduqca güclü təsir bağışlayır. Bunun əsas səbəblərindən biri dövlət xərclərinin çox az olması ilə bağlıdır.
Sıralamanın digər tərəfinə də keçid ala bilərik, indi siz həm də ən qeyri effektiv hökumətlər ilə tanış olacaqsınız ki, burada liderlik Venesuelanın əlindədir. İtaliya və Argentina 2-ci və 3-cü yerləri bölüşdürür.
