Dünya bazarlarında neft bahalaşıb.
Banco.az xəbər verir ki, ICE London qitələrarası birjasında keçirilən ticarət əməliyyatlarının gedişində “Brent” neftinin ixracına dair 2025-ci ilin aprel müqaviləsinin dəyəri 0,50% və ya 0,37 dollar artaraq 1 barelə görə 74.66 ABŞ dolları təşkil edib.
Nyu-Yorkun NYMEX əmtəə birjasında isə 2025-ci ilin martında ixrac etməklə WTI markalı neftin 1 barelinin qiyməti də 0,55% və ya 0,39 dollar artaraq 71.00 ABŞ dollarına bərabər olub.
