ABŞ prezidenti Donald Trampın həftəsonu verdiyi açıqlamalardan sonra Hörmüz boğazından neft tədarükünün bərpasında daha da gecikmələrlə bağlı narahatlıqlar fonunda bazar ertəsi səhər neft qiymətləri yüksəlir.

Banco.az xəbər verir ki, Londonun ICE Futures birjasında noyabr ayı üçün Brent markalı neftin fyuçerslərinin qiyməti əvvəlki bağlanışdan 2,94 dollar (2,82%) çox olmaqla 107,26 dollar/barel təşkil edib. Ötən cümə günü bu müqavilələr 2,28 dollar (2,14%) azalaraq 104,32 dollar/barel olub.

Nyu-York Ticarət Birjasının (NYMEX) elektron ticarət sessiyasında WTI markalı neftin noyabr fyuçerslərinin qiyməti 1,71 dollar (1,85%) artaraq bir barel üçün 94,12 dollara çatıb. Əvvəlki sessiyada onların qiyməti 2,20 dollar (2,33%) azalaraq bir barel üçün 92,41 dollara düşüb.