Cümə günü neftin qiyməti aşağı düşüb.

Banco.az xəbər verir ki, Londonun ICE Futures Exchange birjasında Brent markalı neftin dekabr fyuçerslərinin qiyməti əvvəlki bağlanışdan 0,38 dollar (0,58%) azalaraq 64,62 dollar/barel təşkil edib. Cümə axşamı bu kontraktlar 0,08 dollar (0,12%) artaraq 65 dollar/barelə çatıb.

Nyu-Yorkun NYMEX əmtəə birjasında WTI markalı xam neftin dekabr fyuçersləri 0,42 dollar (0,69%) ucuzlaşaraq 60,15 dollar/barelə bərabər olub. Əvvəlki sessiyada bu kontraktlar 0,09 dollar (0,15%) artaraq 60,57 dollar/barel olub.

Həm Brent, həm də WTI qiymətləri bu həftə 2%-dən çox, oktyabrda isə təxminən 3% ucuzlaşıb.

Artıq neft tədarükünün gözləntiləri bazara təzyiq göstərir. Treyderlər noyabrın 2-də keçiriləcək növbəti OPEC+ iclasını gözləyirlər. Ölkələr dekabrda hasilatın növbəti mülayim artımına meyl edir, baza ssenarisi neft hasilatının kvotalarının sutkada 137 min barel artırılmasıdır.