Cümə günü ticarətdə mülayim artımdan sonra bazar ertəsi səhər neftin qiyməti aşağı düşür.

Banco.az xəbər verir ki, Londonun ICE Futures Exchange birjasında Brent markalı neftin dekabr fyuçerslərinin qiyməti əvvəlki bağlanışdan 0,26 dollar (0,42%) azalaraq 61,03 dollar/barel təşkil edib. Cümə günü bu kontraktlar 0,23 dollar (0,38%) artaraq 61,29 dollar/barel olub.

Nyu-York əmtəə birjasında (NYMEX) noyabr ayı üçün WTI neftinin fyuçersləri elektron ticarətdə 0,24 dollar (0,42%) ucuzlaşaraq 57,30 dollar/barelə bərabər olub. Bu müqavilələrin qiyməti əvvəlki sessiyada 0,08 dollar (0,14%) artaraq 57,54 dollar/barel olub.

Ötən həftə Brent və WTI fyuçersləri 2%-dən çox ucuzlaşaraq, ardıcıl üçüncü həftə qırmızı ilə başa çatdı.

Qeyri-müəyyən tələb perspektivləri fonunda neft hasilatının artması gözləntiləri ilə artan təkliflə bağlı narahatlıqlar bazara təzyiq göstərir.