Londonun ICE Futures birjasında Brent markalı neftin noyabr fyuçerslərinin qiyməti bir barel üçün 68,96 dollar təşkil edir ki, bu da əvvəlki hərracların bağlanışına nisbətən 0,18 dollar (0,26%) aşağıdır.

Banco.az xəbər verir ki,çərşənbə axşamı bu kontraktların qiyməti 0,99 dollar (1,45%) artaraq 69,14 dollar/barelə çatıb.

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində oktyabr ayı üçün WTI neftinin fyuçersləri 0,15 dollar (0,23%) ucuzlaşaraq bir barelə görə 65,44 dollar təşkil edir.

Əvvəlki sessiyanın sonunda onların dəyəri cümə gününün bağlanış səviyyəsindən 1,58 dollar (2,47%) artaraq 65,59 dollara çatıb.

Bazar ertəsi NYMEX-də əsas ticarət ABŞ-da tətil olduğu üçün keçirilməyib.

Bazar iştirakçıları geosiyasi xəbərləri izləməyə və ABŞ-ın yeni sanksiyalarını qiymətləndirməyə davam edirlər.