Yaxın Şərqdə gərginliyin artması  fonunda çərşənbə axşamı neft qiymətləri orta dərəcədə artıb.

Banco.az xəbər verir ki, Londonun ICE Futures birjasında mart ayı üçün Brent markalı neftin fyuçerslərinin qiyməti  bir barel üçün 64,05 dollar təşkil edib ki, bu da əvvəlki bağlanışdan 0,18 dollar (0,28%) çoxdur. Bazar ertəsi günü bu müqavilələr 0,53 dollar (0,8%) artaraq bir barel üçün 63,87 dollara çatıb.

Nyu-York Ticarət Birjasının (NYMEX) elektron ticarət sessiyasında WTI markalı xam neftin fevral fyuçerslərinin qiyməti 0,20 dollar (0,34%) artaraq bir barel üçün 59,70 dollara çatıb. Əvvəlki sessiyada onların qiyməti 0,38 dollar (0,6%) artaraq bir barel üçün 59,50 dollara çatıb.

Bazarın diqqəti kütləvi etirazların davam etdiyi İrandakı vəziyyətə yönəlib.