Müəllif: Tamara Mustafayeva, Banco.az
Dünya Bankı Çinin 2024-cü il üzrə artım proqnozlarını yüksəldib.
Banco.az xəbər verir ki, Dünya Bankı Çinin 2024-cü il üçün ümumi daxili məhsul artımı ilə bağlı proqnozlarını son dövrlərdəki monetar siyasət ekspansiyasını və yaxın vədəli ixracat perspektivlərini nəzərə alaraq artırdığını bildirib.
Dünya Bankı Çinin ÜDM artımının 2024-cü ildə qrupun əvvəllər proqnozlaşdırdığı 4,8 faizdən 4,9 faizə yüksələcəyini açıqlayıb. Bununla belə, qurum 2025-ci il üçün artım proqnozunu 4,5 faizdən 4,1 faizə endirib.
Qlobal qurumların hesabatı dünyanın ikinci ən böyük iqtisadiyyatının tam illik hədəflərini yerinə yetirmək yolunda olduğu bir vaxta təsadüf edir.
Qeyd edək ki, daşınmaz əmlak sektorundan və istehlakçı inamından gələn tərəddüdlərə baxmayaraq, Çin 2024-cü ilin ilk üç rübündə 4,8 faiz sabit artım tempinə nail olub. Son məlumatlar daxili tələbdə monetar siyasətə əsaslanan qazancları göstərir.
Bizi sosial şəbəkələrdən izləyin!!
