Dünya Bankı Azərbaycandakı nümayəndəliyinə yeni rəhbər təyin edib. Banco.az “Report”un əldə etdiyi məlumata istinadən xəbər verir ki, yeni menecer indiyə qədər Bankın Avropa və Mərkəzi Asiya üzrə proqram meneceri olmuş Navid Həsən Naqvi (Naveed Hassan Naqvi) təyin edilibdir.
Yeni ölkə meneceri Dünya Bankında fəaliyyətinə 2004-cü ildə iqtisadi təhsil üzrə məsul vəzifəyə təyin edilməklə başlayıb. Bundan öncə isə o, Pakistan hökumətində bir sıra vəzifələrdə çalışıb.
N.H.Naqvi “Durham” və “Hull” universitetlərini bitirib.
Qeyd edək ki, Bankın Azərbaycandakı nümayəndəliyinin rəhbəri Larisa Leşçenkonun səlahiyyət müddəti bu ilin iyununda başa çatıb. O, hazırda karyerasını Liberiyada (Qərbi Afrika) davam etdirir.
