Dünya Bankı 2019-cu ildə Azərbaycanda ÜDM-in artım proqnozunu 3,3% səviyyəsində saxlayıb.
Bu barədə bankın “Dünya iqtiosadiyyatının inkişaf perspektivləri” adlı iyun ayının hesabatında deyilir.
DB Azərbaycanda ÜDM-in artım templərinin 2020-ci ildə 3,5%-dək, 2021-ci ildə 3,7%-dək sürətlənməsini gözləyir.
“Azərbaycan iqtisadiyyatı Cənubi Qafqazda ən güclü olaraq qalır. Yaxın illərdə ölkənin iqtisadi artımı yeni qaz kəmərinin istifadəyə verlməsi ilə (Avropaya qaz tədarqükü üçün TAP-ın ) sütrətlənəcək”, - bank qeyd edir.
Eyni zamanda, DB vurğulayır ki, yaxın illərdə Azərbaycanın maliyyə sektorunda kreditləşmənin artımı zəif olaraq qalacaq.
Azərbaycan hökuməti 2019-cu ildə ÜDM-nin 3,6%, 2020-ci ildə 3,8%, 2021-ci ildə isə 3,6% artacağını gözləyir.
2018-ci ildə Azərbaycanda ÜDM-in artımı 1,4%, orta illik inflyasiya – 2,3% təşkil edib.
Marja
