Müəllif:Ayşən İmanova/Banco.az
İngilis ayaqqabı istehsalçısı “Dr. Martens”in səhmləri, şirkət 2025-ci il üçün maliyyə rəhbərliyini yenilədikdən sonra 34% azalaraq rekord minimuma enib.
Banco.az xəbər verir ki, şirkətin səhmləri London Fond Birjasında 34,7% ucuzlaşaraq 0,62 funt sterlinqə (0,77 dollar), bütün zamanların ən aşağı səviyyəsinə çatıb.
Xüsusilə, “Dr. Martens” 2025-ci maliyyə ilində ABŞ gəlirlərinin əvvəlki illə müqayisədə 10% və ya daha çox azalacağını proqnozlaşdırır. ABŞ-ın şirkət üçün ən böyük bazar olduğunu nəzərə alsaq, belə proqnozlar investorlar arasında narahatlıq yaradıb.
Bundan əlavə, şirkət artan xərclərlə üzləşsə də, məhsullarının qiymətlərini artırmaq niyyətində olmadığını bildirib. Bu baxımdan “Dr. Martens” 2025-ci maliyyə ilində xərc inflyasiyasını əvvəlki illərdə olduğu kimi qəbul edə bilməyəcək. Bu amillər bazarın mənfi reaksiyasına səbəb olub və səhm qiymətlərini bütün zamanların ən aşağı səviyyəsinə endirib.
Qeyd edək ki, Britaniyanın ayaqqabı, geyim və aksesuar istehsalçısı “Dr.Martens” 2021-ci ildə London Birjasında IPO-ya başlayıb. Lakin bundan sonra səhm qiyməti 5,7 dəfə azalaraq şirkətin kapitallaşmasını 3,7 milyard funt-sterlinqə qədər azaldıb.
Bizi sosial şəbəkələrdən izləyin!!
